Олунньу 21 — 24 күннэригэр Российскай Федерация бырабыыталыстыбатын бэрэссэдээтэлин солбуйааччы — президент Уһук Илиҥҥи уокурукка боломуочуйалаах бэрэстэбиитэлэ Юрий Трутнев Саха сиригэр үлэлиир.
Оробуочай командировка кэмигэр Дьокуускай уонна Нерюнгри маастар-былааннарын туолууларынан мунньахтыаҕа. «Квартал труда» креативнай кластерга сылдьар уонна «Патриотическая» инникилээн сайыннарыллар территория резиденнэрин бородууксуйаларын кытта билсэр.
Социальнай эбийиэктэри көрүөҕэ, ол иһигэр музыка үрдүкү оскуолатын.
Салайааччы Саха сиригэр үлэтин Дьокуускай аэропордугар Сэбиэскэй Сойуус Геройа Ф.М. Охлопков сырдык аатыгар ыытыллар ыраах дистанцияҕа ытыы бастакы Россия турнирыгар кэлбит кыттааччыларын уонна ыалдьыттарын кытта көрсүһүүттэн саҕалаата.
