18 От ыйа 18.07
  • 18°
  • $ 88,09
  • 96,3

Саха сиригэр Удмуртия ыҥырыаларын аҕаллылар

Читайте нас на
Яндекс Новости
ЯДВ

Саха сиринээҕи мүөтү оҥорор киин Удмуртияҕа мүөттээх ыҥырыалары көрөөччү бырааттыы Сапаевтары кытары бырайыактарын чэрчитинэн, Мэҥэ Хаҥалас улууһун Сыымах нэһилиэгэр ыҥырыалары аҕаллылар.

Николай Сапаев бэлиэтээн эппитинэн, билигин кинилэр ыҥырыалар ыраах айаны хайдах тулуйан кэлбиттэрин үөрэтэн, хонтуруоллаан көрөллөр. Ол курдук 7 тыһ. км кэриҥэ ыраах сиртэн аҕаллылар.

— Ыҥырыалар этэҥҥэ айаннаан кэллилэр. Арыый хойутаан кэлбит буоланнар, мүөтү хомуйууга бастаан улахан ыҥырыалары ыытыахпыт, — диэн эбэн эттэ.

Санатан эттэххэ, мүөтү оҥорууга эрэгийиэннээҕи киин тирэх пууннарынан Мэҥэ Хаҥалас Сыымаҕа, Өлөчөйө, Бүтэйдээҕэ итиэннэ Амма Сатаҕайа буолбуттара. Бу нэһилиэктэр мүөттээх ыҥырыаны иитиигэ стратегическай кииннэринэн талыллыбыттара.

Бырайыагы көҕүлээччи Людмилы Николаева: «Мүөттээх ыҥырыаны иитиини сайыннарыыга олохтоохтор кыттан, туһааннаах салааны сайыннарыыга уопутуруохтара» , — диэтэ.

Саха сирэ

Следите за самым важным и интересным в Telegram-канале и WhatsApp-группе ЯСИА
Тутаах тыллар