Муус устар 28 күнүгэр көппүт «Союз-2.1а» ракета 17 тобоҕо Бүлүү өрүс эргин түспүтүн туһунан барыллааһын иһитиннэрии баар.
Бүгүн көрдүүр бөлөх аэрофотосъемка оҥорор, сиртэн боруобалары ылар. Бөлөх састаабыгар «Роскосмос» үлэһиттэрэ бааллар. Кинилэр дуогабар быһыытынан тобоҕу булан суох оҥорор туһунан дуогабардаахтар.
Бэҕэһээ, муус устар 28 күнүгэр Амур уобалаһыгар баар «Восточнай» космодромтан «Союз-2.1а» ракета көппүтэ уонна орбитаҕа үс спутнигы таһаарбыта. Эрдэтээҥҥи ааҕыы быһыытынан ракета сороҕо Бүлүү улууһугар түспүтэ. Муус устар 23 күнүттэн Күүлэкээн сэлиэнньэтин таһыгар Роскосмос, Саха сиринээҕи айылҕа харыстабылын министиэристибэтин, медицинэ бэрэстэбиитэллэрэ кэтээн көрөллөр.
