Муус устар бүтүүтүгэр уонна бырааһынньык өрөбүлүгэр, ыам ыйын 1 күнүгэр, халлаан туругун ЯСИА-ҕа УГМС метеорологическай уонна агрометеорологическай билгэлээһиннэргэ отделын начаалынньыга Саргылана Никитина кэпсээтэ.
«Дьокуускайга бэҕэһээ түүн арҕааттан былытыран, бастакы ардах түстэ. Бу нэдиэлэҕэ туруга суох сааскы күн-дьыл сабаҕаланар, онуоха температура улаханнык уларыйбат. Чугастааҕы суукка Дьокуускайга улахан сөҥүү суох, оттон чэппиэргэ уонна бээтинсэҕэ кыра ардаҕы күүтэбит. Ыам ыйын 1 күнүгэр өрөспүүбүлүкэ киинигэр уонна Дьокуускайга +12 кыраадыска диэри сылыйыаҕа, онуоха 8-13 м/с диэри орто тыал күүтүллэр», — диэн Саргылаана Никитина күн-дьыл туругун кэпсээтэ.
Муус устар 29 күнүгэр, сэрэдэҕэ, Саха сирин арҕаа оройуоннарыгар кыра сөҥүү күүтүллэр, күнүс соҕуруу сорох сирдэринэн орто ардах күүтүллэр. Илин эҥэргэ сөҥүүтэ суох күн-дьыл. Тыал орто, Анаабыр, Булуҥ, Эдьигээн оройуоннарыгар соҕурууҥҥу тыал сорох сирдэринэн 15-20 м/с дылы, Ленскэй оройуонугар күнүс арҕааттан тыал 15-20 м/с дылы. Күнүс киин улуустарга температура +5…+10, соҕуруу +8…+13, хоту уонна Арктика кытылыгар -2…-7, сорох сирдэринэн -10…-15.
“Нэдиэлэ бүтүүтүгэр өрөспүүбүлүкэ хотугулуу-илин өттүгэр хаар, тыал күүтүллэр, бээтинсэҕэ уонна өрөбүлгэ тымныы онно күүһүрүө», — диэн Саргылаана Никитина эбэн эттэ.
Муус устар 30 күнүгэр хотугулуу-арҕаа, арҕаа, Өлүөнэ аллараа өттүн устун, сорох сирдэринэн кииҥҥэ кыра хаар түһүөҕэ. Соҕуруу, соҕуруулуу-арҕаа орто инчэҕэй хаар сабаҕаланар, сорох сирдэринэн ардахтаах.
Ыам ыйын 1 күнүгэр хотугулуу-илин өттүгэр кыра хаар күүтүллэр. Өрөспүүбүлүкэ киинигэр күнүскү температура +5…+10, соҕуруулуу-илин +10…+15, хотугулуу-арҕаа, хотугулуу-илин +1…+6, хоту -5…-10, кытылга -10…-15.
