Ил Дархан Айсен Николаев сотору кэминэн Саха сиригэр мультфильмы оҥоруу кэҥэтиллэригэр эрэнэрин эттэ. Саха киинэтин курдук аар-саарга аатырыан сөп диэтэ кини, суруйар СИА.
«Мультфильмы оҥорууга саҥа ылсан эрэбит. Айар талааннаах ыччат кыаҕын сыаналаатахха, анимацияҕа, мультипликацияҕа Саха сирин улахан ситиһии күүтэр», — диэтэ Айсен Николаев.
Маннык санааны «Союзмультфильм» устуудьуйа дириэктэрэ Борис Машковцев эмиэ эппитэ. Саха сирэ улахан кыахтаах художественнай үөрэхтээһиҥҥэ, сайыннарыахха эрэ наада, диэбитэ.
