23 От ыйа 23.07
  • 28°
  • $ 87,78
  • 95,76

Саха сиригэр Михаил Николаев олоҕун туһунан документальнай киинэни устуохтара

11:41, 07 августа 2023
Читайте нас на
Яндекс Новости
ЯДВ
Саха сиригэр өрөспүүбүлүкэ бастакы бэрэсидьиэнин олоҕун туһунан документальнай киинэни устуохтара. Сценарийын олоҕун тиһэх күннэригэр Саха сирин бастакы бэрэсидьиэнэ бэйэтэ бигэргэппитэ. Бу туһунан Саха сирин норуодунай суруйааччыта, сценарий ааптара Владимир Федоров иһитиннэрдэ диэн СИА суруйар.

Владимир Федоров өрөспүүбүлүкэ бастакы бэрэсидьиэнин олоҕун туһунан сценарийы оҥорон, Михаил Николаевы кытта олоҕун тиһэх ыйдарыгар алтыспыта. Бу күн сириттэн күрэниэн аҕыйах хонук иннинэ Михаил Ефимович сценарийы бигэргэппитэ.

“Биһиги киниэхэ төрөөбүт күнүгэр, сэтинньи 13 күнүгэр, бэлэх оҥоруохпутун баҕарбыппыт. Киинэ кини туһунан сырдык өйдөбүнньүгүнэн  буолар буолла. Сарсын Никита Аржаков Михаил Ефимович иккис дойдутугар – Эдьигээҥҥэ көтүөҕэ уонна бу киинэни устууну саҕалыаҕа”, — диэн сценарист иһитиннэрдэ.

Михаил Николаев салайар кэмигэр өрөспүүбүлүкэ айар-тутар олоҕо хайдах уларыйбытын Владимир Федоров олох бэйэтигэр чугастык ылыммытын бэлиэтээтэ.

“Бу олус өрө көтөҕүллүү уонна литератураҕа, искусствоҕа, тыйаатырга сөҕүмэр болҕомто кэмэ этэ. Норуот бүттүүнүн курдук, суруйааччылар эмиэ сэргэхсийбиттэрэ. Дьон ис санаата-туруга эмиэ уларыйбыта. Уонна билиҥҥэ диэри ол ылыллыбыт быһаарыылар уонна ыйаахтар айар интеллигенцияны өйүүллэр. Атын эрэгийиэннэр суруйааччылара биһигини, бэл, ордук саныыллар. Михаил Ефимович айар дьоҥҥо олус болҕомтолоох этэ”, — диэтэ Федоров.

Михаил Николаев 2023 сыл атырдьах ыйын 4 күнүгэр 86 сааһыгар бу Орто дойдуттан туораата. Саха сиригэр түөрт күннээх кутурҕан күнэ биллэрилиннэ – атырдьах ыйын 5 күнүттэн 8 күнүгэр диэри. Кинини Хаҥалас оройуонун Өктөм сэлиэнньэтигэр атырдьах ыйын 8 күнүгэр кистиэхтэрэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар