Саха сиригэр оҕо спордугар ураты болҕомтону уураллар, араас элбэх куруһуоктар уонна спортивнай секциялар үлэлииллэр. Бүгүҥҥү күҥҥэ спорт куруһуогар өрөспүүбүлүкэ үрдүнэн 35 тыһыынчаттан тахса оҕо дьарыктанар диэн Саха сирин физическэй култуураҕа уонна спорка миниистирэ Леонид Спиридоновка сигэнэн региону салайар киин кэпсиир.
Регион үрдүнэн 67 спорт тэрилтэтэ үлэлиир, манна 290 спортивнай тутуу баар, ол иһигэр бассейннар уонна хайыһар базалара үлэлииллэр. Оҕо-ыччат спордун систематыгар өрөспүүбүлүкэҕэ барыта 48 көрүҥ киирэр.
