2021 сыл саҕаланыытыгар Саха сиригэр 340 мүөттээх ыҥырыа дьиэ кэргэнэ баара биллэр, ол иһигэр 298 устууката бааһынай хаһаайыстыбаларга. 2020 сылга 5,4 туонна мүөт хомуллубут, ол иһигэр бааһынай хаһаайыстыбалар уонна ИП-лар – 4,7 туоннаны.
Мүөттээх ыҥырыаны иитиини сайыннарыыга кэнники биэс сылга «Начинающий фермер» уонна «Агростартап» программаларынан аҕыс киһи грант ылбыт, уопсай суума 15 мөл солк.
Пасеканан дьарыктаныы элбэх ороскуота суох эрээри, элбэх дохуот киллэрэр хайысханан биллэр. Ортотунан биир дьиэ кэргэн тигээйи, холобур, киин улуустарга 15-20 киилэни биэрэр. Саха мүөтүн 1 киилэтин сыаната ортотунан — 1,5-2 тыһ солк.
Ил Дархан 2018 сыллааҕы «О стратегических направлениях развития сельского хозяйства Республики Саха (Якутия)» ыйааҕын 2.3 пуунугар мүөтү оҥорон таһаарыы сылга 3,4 туоннаттан 20 туоннаҕа диэри эбиллэригэр сорук туруоруллар.
2020 сыл бүтүүтэ № 490-ФЗ-дээх «О пчеловодстве в Российской Федерации» федеральнай сокуон ыллыллыбыта. Бу сокуон күүһүгэр 2021 сыл бэс ыйын 29 күнүгэр киирэр диэн официальнай СМИ иһитиннэрдэ.
Сүрүн соруктара – мүөттээх ыҥырыанан дьарыктанар хаһаайыстыбалары өйөөһүн. Саамай сүрүнэ — туорахтаах култуураны ыһыы кэмигэр туттуллар пестицидтан уонна агрохимикаттан мүөттээх ыҥырыаны харыстааһын туһунан этиллэр.
Олохтоох дьаһалталар манна күүстээх үлэни ыытар боломуочуйалаахтар.
Хаартыскаҕа Роман Очеретяный, Табаҕа.
