Саха сиригэр 2600 оҕо «Үйэ оҕолоро» хапытаалы ылла, 120 ыал харчыны тус сыалынан туһанна. Төрөппүттэр харчыны олорор усулуобуйаларын тупсарыыга, тырааныспар ылыытыгар аныыллар. Ол туһунан социальнай сайдыы миниистирин бастакы солбуйааччыта Иван Алексеев кэпсээтэ, суруйар СИА.
Ийэ сылыгар уонна Саха АССР 100 сылыгар Ил Дархан Айсен Николаев «Үйэ оҕолоро» сыаллаах хапытаалы олохтообута. 100 тыһ солк 2022 сыл тохсунньу 1 — ахсынньы 31 күнүгэр төрөөбүт оҕолор ылаллар.
«Билигин өрөспүүбүлүкэҕэ 3,5 тыһ оҕо төрөөтө. 2600 оҕоҕо харчылара бэрилиннэ. 120 ыал хапытаалы туһанна. Төрөппүттэр үксүн олорор усулуобуйаларын тупсарыыга, тырааныспар ылыытыгар аныыллар», — диэтэ Иван Алексеев.
Маны сэргэ олорор усулуобуйаларын тупсарыыга, тырааныспар ылыытыгар, оҕо үөрэҕэр, кэтэх хаһаайыстыбаны тэриниигэ, ол иһигэр тыа хаһаайыстыбатын техникатын ылыыга, оҕо эмтэниитигэр үрдүк технологиялаах медицина өҥөтүгэр, медицинскай уонна социальнай реабилитацияҕа, санаторнай-курортнай эмтэниигэ, ол иһигэр өрөспүүбүлүкэ тас өттүгэр, бырайыаска, эмп-том ылыытыгар.
Хаартыска: Мария Васильева, Андрей Сорокин, СИА
