Өрөспүүбүлүкэ экспозицията «Якутия – вселенная Олонхо» аатынан турда. Ил Дархан Айсен Николаев бэлиэтээбитинэн, саха норуотун үйэлэргэ мунньуллубут култууратын уонна духуобунаһын кытта ыалдьыттары билиһиннэрии буолар. Чуолаан бу хайысхалар креативнай индустрия инникилээх бырайыактарыгар, медицина, тыа хаһаайыстыбата, промышленность, тутуу, энергетика, транспорт, социальнай инфраструктура ураты оҥорууларыгар олук буолаллар.
Саха сирин быыстакатын 2,2 мөл киһи көрдө. Манна 100 тахса бөдөҥ тэрээһин ыытылынна, 200 тахса үгэскэ кубулуйбут национальнай оҥорон таһаарыыга маастар-кылаас буолла. Онно барытыгар 6,5 тыһыынча киһи сырытта. Саамай кырдьаҕас көрөөччүнэн 90 саастаах бырааттыы-эдьиий сырыттылар, оттон саамай кырачаан көрөөччүлэринэн — Саха сириттэн кэлбит тыһыынчанан оҕо, ол иһигэр Өймөкөөн оҕолоро буоллулар.
