Источник: keskil14.ru
Ахсынньы 18-20 күннэригэр Москваҕа активист-үөрэнээччилэр уонна устудьуоннар бастакы съезтэрэ ыытыллыаҕа. Съезкэ Саха сирин биэс муниципальнай оройуоннарыттан 13 делегат кыттыаҕа.
«Сосновый бор» чэбдигирдэр лааҕыр базатыгар форсайт сессия буолан ааста. Оскуола үөрэнээччилэрэ олох араас араҥатыгар: үлэ уонна медиа- сетевой ресурсалар, тас дойдуттан доҕоттор уонна партнердар, култуура уонна креативнай технологиялар, творчество, бизнес уонна үп туһунан долгутар боппуруостары, кыһалҕалары ырыттылар. Кыттааччылар хас биирдии салаа уратытын сиһилии көрдүлэр уонна баар боппуруостары быһаарыыга бэйэлэрин санааларын билиһиннэрдилэр. Маныаха, кинилэргэ Саха сирин делегациятын 13 активиһа көмөлөстө.
София Палавкова, 6 кылаастан оҕо хамсааһыныгар сылдьар. Манна сылдьан личность быһыытынан биллэ сайдыбыт. Билигин София Дьокуускай куорат 9 оскуолатын 11-с кылааһыгар үөрэнэр. Кини Саха сирин трек делегациятын састаабыгар “Культура и креативные технологии” бөлөххө баар.
