Анаабыр улууһун Сааскылааҕар «Переселение граждан из аварийного жилищного фонда» өрөспүүбүлүкэтээҕи аадырыстаах бырагырааманан үс таас элбэх кыбартыыралаах дьиэ тутуллуоҕа. Уопсай иэнэ 3800 кв. м. Эбийиэктэри тутуу 2024 сылга саҕаламмыт.
Ол туһунан бырабыыталыстыба отчуотун кэмигэр бэрэссэдээтэл солбуйааччыта Анатолий Семенов эттэ.
Кини бэлиэтээбитинэн Анаабыр улууһа түргэн тэтимнээхтик сайдар. Ити алмааһы хостуур бырамыысыланнаһы кытта ыкса сибээстээх. Улуус сиригэр-уотугар үлэлиир «Алмазы Анабара» хампаанньа уонна атын бөдөҥ хампаанньалар саҥа кыахтары үөскэтэллэр.
«Үөрэх эйгэтигэр олус суолталаах бырайыактар бааллар. 2024 сыллаахха Сааскылаах оскуолатын баазатыгар икки орто идэҕэ үөрэтэр салаа арыллыбыта. Итиэннэ Н.Г. Чернышевскай аатынан Бүлүүтээҕи педагогика коллеһын оскуола иннинээҕи саастаах оҕолору иитээччилэри бэлэмниир салаа уонна «Арктика» оробуочай кадрдары үөрэтэр киин салаата «оператор информационных систем и ресурсов» үөрэтэр, — диэтэ Анатолий Семенов.
«Кииҥҥэ 50 миэстэлээх кыраларга бөлөхтөрдөөх 120 миэстэлээх гимназия киирэр. Уопсай сайдыыга анаммыт бырагыраамалаах саҥа миэстэлэр баар буолуохтара. Чуолаан, муниципальнай оҕо технопарката», — диэтэ кини.
