21 От ыйа 21.07
  • 28°
  • $ 88,02
  • 96,04

«Саҥа саҕалыыр фермер» программанан томполор хотон тутталлар

Читайте нас на
Яндекс Новости
ЯДВ

Томпо улууһун Кириэс Халдьаайы, Кэскил, Тополинай, Ударник сэлиэнньэлэриттэн аҕыс киһи бизнес-былааннарын Дьокуускай куоракка көмүскээн 1,5 мөлүйүөннүү солкуобайдаах граннары ылбыттара.


Кэскил сэлиэнньэтиттэн граҥҥа «Эрэл» бааһынай хаһаайыстыба салайааччыта Иннокентий Берзюков тиксибитэ. Кини бизнес-былаан быһыытынан сайын хотонун тутунна. Үгэс буолбут буруустан, халыҥ хаптаһынтан ураты аныгы матырыйааллары — сэндвич-панеллары, поликарбонаты, профлиһи — туһанна. Саха сирин телевидениетыгар атын улуус фермердэрэ туттубут хотоннорун үтүгүннэрбит. Арыый да тупсаран түөрт салгылатар турбаны уурбуттар. Уотун-күөһүн тардан бүтэрбиттэр. Сайын сүөһүлэрэ кыстыырыгар сөп буолар оту бэлэмнээбиттэр.

Улуус тыатын хаһаайыстыбатын салаатын салайааччыта Егор Андросов Байаҕантай нэһилиэгэр Ударник сэлиэнньэтигэр баран кэллэ. Бу муниципальнай тэриллииттэн биэс киһи граны ылбытыттан, үһэ бу кытыы кыра сир сэлиэнньэтин дьоно. Петр Павлов уонна Айаал Кузьмин хотоннорун номнуо туттубуттар. Петр суол сабыллыан иннинэ МТЗ-82 тракторы Дьокуускай куораттан ылан таһаарда. Бу дьону таһынан Кириэс Халдьаайыттан Иван Бысыин сүөһү иитиитинэн дьарыктанарга, Александр Тополин сибиинньэ иитэргэ, онно анаан хотон туттарга, Тополинайтан Андрей Замятин уонна Виктория Лебедева таба иитиитин сайыннарарга грант ылбыттара.

Следите за самым важным и интересным в Telegram-канале и WhatsApp-группе ЯСИА