21 От ыйа 21.07
  • 22°
  • $ 88,02
  • 96,04

Саҥа бэрээдэк. Саха сиригэр сир баайын хостооччулар лицензияны ылаллара судургу буолуоҕа

Читайте нас на
Яндекс Новости
ЯДВ

Сир баайын туһанааччылар аукциоҥҥа кытталларыгар сайаапкаларын көрөр кэми 45 күнтэн 7-ҕэ диэри аҕыйаттылар. Бу бэрээдэк 2022 сыл бүтүөр диэри бу сыл кулун тутар 12 күнүттэн 353 №- дээх бырабыыталыстыба уурааҕын олоххо киллэрии чэрчитинэн үлэлиэҕэ. Билигин сир баайын туһанааччыларга лицензия ылыы быдан судургу буолуоҕа, диэн СИА-ҕа өрөспүүбүлүкэ промышленноска министиэристибэтэ иһитиннэрдэ

Саҥа электроннай аукциоҥҥа бастакынан Миирнэй оройуонуун «Уус-Хатат-2» диэн кумах гравий учаастага турда.

«Региоҥҥа тэрилтэлэр өйөбүллэринэн элбэх үлэ барар. Бу үп дьаһаллара эрэ буолбакка, урут туһаныллар өҥөлөрү судургутутуу үлэтэ. Бүгүн аукционнары ыытыы процеһын судургутутарга уонна түргэтэтэргэ, чуолаан кинилэр болдьохторун 7 хонукка диэри аччатарга быһаардыбыт. Сиртэн хостонор баайы туһанааччыларга лицензияны ылыы уонна тутуу матырыйаалларын хостооһуну саҕалыыр быдан судургу буолуо», — диэн Саха сирин промышленноска уонна геологиятыгар миниистирин солбуйааччы Андрей Сычевский иһитиннэрдэ.

Следите за самым важным и интересным в Telegram-канале и WhatsApp-группе ЯСИА