2016 сыл тохсунньутуттан ыам ыйыгар диэри Россия олохтоохторо Тайылааҥҥа сынньалаҥы ордорбуттар. Ити туһунан Россияҕа туристическай оператордар ассоциацияларыгар эппиттэрин РИА Новости тиэрдэр.
«Дьон ордук биһирээн Вьетнамҥа (180,2 тыһ. киһи), Испанияҕа (269,3 тыһ. киһи) уонна Тайылааҥҥа (501,8 тыһ. киһи) сынньанар. 1,732 мөлүйүөн сынньанааччыттан баһыйар үксэ Тайылааны ордорбут», — диэн ассоциацияҕа эппиттэр.
Россия олохтоохторо Соҕуруу Кореяҕа, Болгарияҕа, Израильга, Финляндияҕа, Австрияҕа, Турцияҕа уонна Кипрга сөбүлээн сылдьаллар.
Омук дойдуларын туризымҥа министиэристибэтин иһитиннэриилэригэр олоҕуран маннык дааннайдары аҕалбыттар. Былырыын Тайылааҥҥа эмиэ элбэх киһи сынньаммыт. Ону таһынан Индияны уонна Вьетнамы биһирииллэр.
