28 Бэс ыйа 28.06
  • -7°
  • $ 104,68
  • 115,6

Россия 2026 уонна 2028 сыллардааҕы Олимпиадалары көрдөрөрө бобулунна

2026 уонна 2028 сыллардааҕы Олимпиадалары телевидениенан көрдөрүүгэ быраабы ылыыга тендергэ Москваны уонна Минскэйи киллэрбэтилэр. Бу дойдулар бөдөҥ спортивнай тэрээһини транслируйдаабаттарын туһунан Sports.ru норуоттар ардыларынааҕы олимпийскай кэмитиэт (МОК) пресс-релиһыгар олоҕуран суруйда.

Россия уонна Белоруссия тендертан уһуллубуттарын туһунан тэрилтэ бэйэтин саайтыгар өссө ыам ыйын 2 күнүгэр таһаарбыта. Sports.ru иһитиннэрэринэн, тендерга докумуоннар муус устар 25 күнүгэр диэри ылыллыбыттар.

МОК 2026 сылга Италияҕа, 2028 сылга АХШ-гар буолар Олимпиадалары телевидениенан көрдөрүүгэ тендергэ кыттыыны Европа дойдуларыгар олунньу 24 күнүгэр биллэрбитэ. Кэмитиэккэ эппиттэринэн, дойдулар сайаапкаларыгар сыаналыырга усулуобуйаҕа маннык суруллар «на предмет их способностям соответствовать самым высоким стандартам качества вещания и охватить как можно более широкую аудиторию, их приверженности продвижению Олимпийских игр и ценностей олимпийского движения, а также их финансового предложения». Тендер биллэриллэр күнүгэр Россия Украинаҕа спецоперацията саҕаламмыта.

Олунньу бүтэһигэр норуоттар ардыларынааҕы спортивнай тэрилтэлэр Россияны күрэхтэһииттэн туораппыттара. Сорох дисциплиналарга, холобур футболга, хоккейга уонна фигурнай хаҥкыга Россия спортсменнарын толору туораппыттара. Тенниска, автоспортка, велоспортка уонна саахымакка россиялар нейтральнай статуска кыттыахтарын сөп.

Следите за самым важным и интересным в Telegram-канале и WhatsApp-группе ЯСИА
0
0