Владимир Путин Пекиҥҥэ көтөн тиийдэ. Арассыыйа бэрэсэдьиэнэ ХХIV кыһыҥҥы Олимпийскай оонньуулар аһыллыыларыгар кыттыыны ылыаҕа уонна КНР бэрэссэдээтэлин Си Цзинпини кытта көрсүөҕэ, диэн «Российская газета» иһитиннэрэр.
Лидердэр экономика, энергетика уонна космос хайысхаларыгар бииргэ үлэлээһини кэпсэтиэхтэрэ. Путин уонна СИ Цзиньпин норуоттар икки ардыларынааҕы кыһалҕаларын туһунан санааларын атастаһыахтара.
Эрдэ бэрэсэдьиэн көмөлөһөөччүтэ Юрий Ушаков Путины арыаллыахтаах 20-25 ахсааннаах делегацияны 6 киһиэхэ диэри сарбыйбыта. Ол түмүгэр, делегация састаабыгар МИД баһылыга Сергей Лавров, вице-премьер Дмитрий Чернышенко, энергетика миниистирэ Николай Шульгинов, Роснефть баһылыга Игорь Сечин, ону таһынан Ушаков бэйэтэ киирдилэр.
