17 Тохсунньу 17.01
  • -48°
  • $ 73,82
  • 83,32

Праймериз кыттыылаахтара хаҥаластары кытта көрүстүлэр

16:26, 20 мая 2016
Текст:

Ыам ыйын 22 күнүгэр буолуохтаах барыллаан куоластааһын иннинэ праймериз кыттыылаахтара өрөспүүбүлүкэ олохтоохторун кытта миэстэтигэр тиийэн көрсөн кэпсэтэллэр.


Бүгүн, ыам ыйын 20 күнүгэр, СӨ Ил Дарханын уонна Бырабыыталыстыбатын салайааччыта Юрий Куприянов, «Казачество сайдыытыгар көмөлөһөр фонда» тэрилтэ генеральнай дириэктэрэ Александр Гриценко, «Саха Сирэ» хаһыат кылаабынай редактора Чокуур Гаврильев уонна СӨ айылҕа харыстабылыгар миниистирэ Сахамин Афанасьев Нөмүгү, Покровскай уонна Мосхоҕоллоох нэһилиэнньэтин кытта көрүстүлэр.

Праймериз кыттыылаахтара бары биир сыаллаах дьиҥнээх дьыала туһугар үлэлиир «Биир ньыгыл Россия» партия дьон санаатын быһаарар сыалтан ыытар барыллаан куоластааһыныгар кытталларын кэпсээтилэр. Бу партия туохтан да куттаммакка маннык тэриммитэ, инники үлэҕэ олус көмөлөөх буоларыгар эрэллээхтэрин биллэрдилэр. Быыбар буолуон иннинэ хайаан да нэһилиэнньэ санаата истиллиэхтээҕин, олохтоохтор хайдах киһини депутат оҥостуохтарын баҕаралларын билэр наада диэн санааларын үллэһиннилэр.

Санатар эбит буоллахха, ыам ыйын 22 күнүгэр өрөспүүбүлүкэ үрдүнэн буолар барыллаан куоластааһыҥҥа балаҕан ыйын 18 күнүгэр ыытыллар Госдума депутатын талыы быыбарыгар кыттар кандидаты талабыт.

Праймериз кыттыылаахтара барыллаан куоластааһыҥҥа ыам ыйын 22 күнүгэр хаҥаластар көхтөөхтүк кытталларыгар ыҥырдылар.

0
0
17 января 17.01
  • -48°
  • $ 73,82
  • 83,32