13 От ыйа 13.07
  • 19°
  • $ 87,74
  • 95,76

Полковник Николай Мамчурга холуобунай дьыала тэрилиннэ

08:08, 20 мая 2016
Читайте нас на
Яндекс Новости
ЯДВ

РФ Силиэстийэлиир кэмитиэтин бэрэссэдээтэлин солбуйааччы Саха Өрөспүүбүлүкэтин Ис дьыалаҕа министиэристибэтин миниистирин урукку солбуйааччыта — Силиэстийэлиир управление начальнига, полиция полковнига Николай Мамчурга холуобунай дьыала тэрийдэ.

РФ Холуобунай кодексатын 30-с ыст. 1 чааһынан, 131-с ыст. 1 чааһынан уонна 132-с ыст. 1 чааһынан, ол эбэтэр, күүһүлээһиҥҥэ суудайыы, «сылдьыһар» дьайыылары күүһүнэн оҥоруу бэлиэлэрэ баалларынан.

Силиэстийэ сабаҕалыырынан, бу дьыл муус устар 17 күнэ үүнэр түүнүгэр ИДьМ Силиэстийэлиир управлениетын дьиэтигэр Мамчур холуочук туруктаах сылдьан, управление дьиэтин харабыллыы турар үлэһитин кабинетыгар ыҥыран киллэрэн, күүһүлүү сатаабыт.

Дьыаланы силиэстийэлээһин РФ СК Саха сиринээҕи управлениетыгар бэриллибит.

Санатар буоллахха, муус устар 18 күнүгэр эмсэҕэлээччи кыыс РФ СК Саха сиринээҕи управлениетыгар сайабылыанньа суруйбут.

Муус устар 19 күнүгэр миниистири солбуйааччы кабинетыгар дьэҥдьиир оҥоһуллубут. Ити күн Мамчур үлэтиттэн уһулларга араапар суруйбут.

Муус устар 20 күнүгэр Мамчур дьиэтигэр моонньугар бэстилиэтинэн ытынан, бэйэтигэр тиийинэ сатаабыт. Балыыһаҕа ыарахан туруктаах сытар аатырбыт киһи, уонча күнүнэн үтүөрэ охсон буолуо, өрөспүүбүлүкэттэн тэскилээбит.

Аны дьыала тэриллибитинэн сибээстээн, кинини төттөрү булан аҕалар сорук турар.

Николай Мамчур СӨ ИДьМ-тын Силиэстийэлиир управлениетын салайааччытынан 2014 сыл алтынньы ыйыгар анаммыта.

Следите за самым важным и интересным в Telegram-канале и WhatsApp-группе ЯСИА