Орто Халымаҕа от үлэтэ саҕаланна. „Өлөөкө Күөлүн“ сылгыны иитээччилэрэ бастакынан окко киирдилэр.
Орто Халыма улууһугар быйыл 8567 тонна от былааннанар, ол иһигэр Бастакы Хаҥалас нэһилиэгэр 2433 тонна оттонуохтаах.
Нэһилиэктэртэн бастакынан Бастакы Хаҥалас нэһилиэгин „Өлөөкө Күөлэ“ сылгы хаһаайыстыбатын үс биригээдэтэ окко киирдэ. Биригээдэлэр бары механизированнайдар.
Аҕыс киһилээх биригээдэ Чоҥкуйаҕа 900 тонна от былааннаах. Биригэдьиир — Григорий Батюшкин. Тоҥуулаах учаастагын сэттэ киһилээх Егор Винокуров биригэдьиирдээх хамаандата 250 тонна оту ылыаҕа. Оттон Таалалаахха Иннокентий Ноговицын биригээдэтэ 250 тоннаны кэбиһиэхтэрэ.
Сиэн Күөлүн нэһилиэгэр хаһаайыстыба филиала 400 тонна от былааннаах. Биригэдьииринэн Родион Бандеров ананна, биригээдэ сэттэ киһиттэн турар.
