Амма улууһугар быйыл тэриллэр олоҥхо ыһыаҕар 100 самодеятельнай музыкант кырыымпаҕа оонньуоҕа. Бэлэмнэнии 2020 сылтан ыытыллар. Олохтоох маастардар 70 национальнай инструмены оҥордулар.
Регион салалтатын пресс-сулууспата иһитиннэрбитинэн, сыл устата Амматааҕы искусство оскуолатын преподавателэ Василий Неустроев, «Кыл Саха» ансаамбыл салайааччыта Анна Томская, Олоҥхо тыйаатырын артыыстара Айсен Кысылбаиков уонна Прокопий Сыроватскай музыканнарга кырыымпаҕа оонньуурга маастар-кылаастары ыыттылар.
Тэрийээччилэр этэллэринэн, Амма улууһугар бэс ыйын 20-21 күннэригэр буолар ыһыахха 10 тыһ тахса ыалдьыт кэлэрэ күүтүллэр.
