24 Ыам ыйа 24.05
  • -7°
  • $ 104,68
  • 115,6

Ньургун Скрябин өрөспүүбүлүкэ спордун туйгуна буолла

17:01, 17 июля 2020
Текст:

Мэҥэ-Хаҥалас улууһугар Ньургун Скрябин көҥүл тустууга Европа чемпионатыгар ситиһиитин бэлиэтээтилэр. Спортсмеҥҥа Дьокуускай куоракка икки хостоох дьиэҕэ сертификат биэрдилэр. Бу туһунан СИА иһитиннэрэр.


Беларусь аатыттан кыттар саха бөҕөһө Ньургун Скрябин быйыл олунньу ыйга Италия Рим куоратыгар ыытыллыбыт Европа чемпионатыгар үрүҥ көмүс мэтээлинэн наҕараадаламмыта.

Спортсмены чиэстээһиҥҥэ олимпийскай чемпион, СӨ спортивнай тустууга федерациятын вице-президенэ Павел Пинигин, спортивнай бэлэми ааһар өрөспүүбүлүкэтээҕи киин салайааччыта Леонид Спиридонов кыттыыны ыллылар.

Дьокуускай куоракка икки хостоох дьиэҕэ сертификаты спортивнай тустууга Федерация, улуус тустууга федерацията, улуус дьаһалтата, атын спонсордар кыттыгас бэлэх ууннулар. Маны таһынан Ньургуҥҥа СӨ физкультура уонна спорт туйгунун бэлиэтин туттардылар.

«Бэлэх Ньургуну аан дойду таһымнаах күрэхтэргэ ситиһиилээхтик, Олимпиадаҕа кыттарыгар көҕүлүө дии саныыбын», — диэтэ улуус баһылыга Николай Старостин. Кини спортсмен бу өрөбүллэргэ Белоруссияҕа Олимпиадаҕа бэлэмнэнэ көтөрүн туһунан эттэ.

Следите за самым важным и интересным в Telegram-канале и WhatsApp-группе ЯСИА
0
0