29 Кулун тутар 29.03
  • -10°
  • $ 92,26
  • 99,71

Ньурбатааҕы көтөр фабрикатыгар Дьокуускайтан кууруссалары аҕалыахтара

Читайте нас на
Яндекс Новости
ЯДВ

Ньурба улууһун салалтата бу күннэргэ Дьокуускай куоракка тыа хаһаайыстыбатын боппуруостарынан үлэлиир. Туһааннаах министиэристибэҕэ уонна Ил Түмэҥҥэ сырыттылар. Чуолкай соруктарга эппиэттэри ыллылар, ол иһигэр көтөр фабрикатын туһунан.


Ньурба улууһун баһылыгын 1-кы солбуйааччыта Артур Яковлев уонна улуустааҕы тыа хаһаайыстыбатын департаменын салайааччыта Иван Егоров бу күннэргэ Дьокуускайга оробуочай командировкаҕа тиийэн үлэлэһэ сылдьаллар.

Ньурба улууһун салайааччылара СӨ Тыатын хаһаайыстыбатын миниистирин солбуйааччыта Афанасьев Николай Степановичтыын көрүстүлэр. Ньурбатааҕы көтөр фабрикатын кууруссаларыгар аһылыгын кэлэр сылтан Дьокуускайдааҕы көтөр фабрикатыттан ыларын, итиэннэ кулун тутар ыйыгар фабрикаҕа саҥа 49860 кууруссаны тиэйэн аҕалыы туһунан кэпсэтии барда. Сүөһү аһын бэлэмнээһин боппуруоһугар аны саас СӨ Тыатын хаһаайыстыбатын министиэристибэтэ кыттыылаах мунньах ыытарга быһаарыстылар. Итиэннэ салайааччылар Степан Васильев аатынан сылгы собуотун «Саха сүөһүтэ» тэрилтэҕэ түргэнник көһөрөр боппуруостарга үлэлэстилэр.

Ил Түмэн бүддьүөт бэлиитикэтин боппуруостарыгар сис кэмитиэтин бэрэссэдээтэлэ Юрий Николаевы уонна сиргэ сыһыаннаһыыларга, айылҕа ресурсаларыгар уонна экологияҕа сис кэмитиэтин бэрэссэдээтэлэ Владимир Прокопьевы кытта көрүстүлэр. Биир дойдулаахтарбытын кытта Ньурба улууһугар тыа хаһаайыстыбатын сайдыытын боппуруостарынан кэпсэтии ыытылынна.

Следите за самым важным и интересным в Telegram-канале и WhatsApp-группе ЯСИА