От ыйын 1 күнүттэн Бүтүн Россия үрдүнэн тыа хаһаайыстыбатын биэрэпиһэ бара турар. Бу эппиэтинэстээх үлэҕэ Ньурба оройуона эмиэ көхтөөхтүк кыттар.
Ньурба оройуонугар биэрэпиһинэн 31 киьи дьарыктанар: биэрэпискэ боломуочуйалаах, кини солбуйааччыта, информация хомуйар анал администратор, 3 инструктор уонна 25 суруйааччы.
Бэс ыйыгар ыытыллыбыт хаһаайыстыбалары барыллаан кэрийии түмүгүнэн, улууска 23 тыа хаһаайыстыбатын тэрилтэтэ, 143 бааһынай хаһаайыстыба уонна урбаанньыт, нэһилиэктэринэн 4440 кэтэх хаһаайыстыба. Маны сэргэ Ньурба куоракка талан ылыы бэрээдэгинэн 534 хаһаайыстыба уонна 3 садоводческай тэриллии биэрэпиһинэн хабыллыахтаах.
От ыйын 17 күнүнээҕи биэрэпис хаамыытынан, Ньурба улууһугар нэһилиэктэринэн 3040 кэтэх хаһаайыстыба (68,47%), Ньурба куоракка 179 хаһаайыстыба (33,52%) хабылынна. Биэрэбис ыытааччы күҥҥэ ортотунан 10 хаһаайыстыбаны кэрийэр, ыраах сытар сирдэргэ — 7.
Үөдэйгэ, Ынахсыкка уонна Хатыҥ Сыһыыга биэрэпис үлэтэ түмүктэммит. Биэрэпис ирдэбилинэн, хабыллыбыт хаһаайыстыбаларга хаттаан хонтуруоллуур кэрийии ыытыллыахтаах. Бу үлэ Антоновка уонна Дьаархан нэһилиэктэригэр саҕаланна.
