Бу күһүн «Якутлесресурс» ГАУ Ньурбатааҕы филиалын үлэһиттэрэ Хаҥалас уонна Үөдэй икки ардыгар 65 гааҕа 130 тыһ. устуука бэс үнүгэһин олордубуттара.
Ойуур баһаарыттан эмсэҕэлээбит уонна санитарнай кэрдии ыытыллыбыт сиригэр үлэ барда. 1 гааҕа 2000 бэс үнүгэһэ олордуллар.
Ити мастары, биһиги килиимэппитигэр уонна почвабыт усулуобуйатыгар сөп түбэһэрин кичэйэн сыымайдаан Красноярскайдааҕы питомниктан аҕалбыттара, — диир «Якутлесресурс» ГАУ Ньурбатааҕы филиалын салайааччыта Александр Тихонов.
Биллэн турар, мастары олордон баран хайдах тулуһан үүнэллэрин көрө-истэ сылдьыахпыт. Баһаартан эмсэҕэлээбит ойууру чөлүгэр түһэрии маннык киэҥ хабааннаах үлэтэ Ньурба улууһугар аан маҥнайгытын ыытылынна.
Ааптар: Геннадий Антонов, @gazetanyurba
