21 От ыйа 21.07
  • 22°
  • $ 88,02
  • 96,04

Нерюнгрига бокс турнира саҕаланна

16:03, 25 октября 2023
Читайте нас на
Яндекс Новости
ЯДВ

Нерюнгрига боксаҕа Арассыыйа үтүөлээх тренерэ Николай Размахнин уонна норуоттар икки ардыларынааҕы кылаастаах спорт маастара Сергей Исмаилов ааттарынан регионнар икки ардыларынааҕы  турнир ыытыллар. Алтынньы 25 күнүгэр саҕаламмыт күрэхтэһии кыттыылаахтара дойду алта регионуттан кэллилэр, диэн СИА кэпсиир.

Бокс турнирыгар 13-тэн 18-гар диэри саастаах спортсменнар кытталлар. Финалистар алтынньы 28 күнүгэр киирсиэхтэрэ. Рингэҕэ 13-14, 15-16, 17-18 саастаах уолаттар уонна 15-16 саастаах кыргыттар киириэхтэрэ. Маны таһынан, күрэхтэһээччилэр ыйааһыннарынан эмиэ арахсыахтара.

Мэтээл хаһаайыннарыгар тэрийээччилэртэн сыаналаах наҕараадалары туттарыахтара, ону тэҥэ анал бириистэр олохтонуохтара. Турнирга Сахалин, Амур уобаластарын, Хабаровскай, Забайкальскай кыраайдар, Хакасия уонна Саха сирин хамаандалара кыттыахтара. Барыта 199 эдэр боксер кыайыы туһугар киирсиэҕэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар