Үс сылтан бэттэх Саха сиригэр нэһилиэктэргэ көмөлөһөр соруктаах куратордар институттара үлэтин саҕалаабыта. Министиэристибэлэр, биэдэмистибэлэр салайааччылара уонна специалистара олохтоох бэйэни салайыныы уорганыгар араас боппуруостарга көмөлөһөллөр, сүбэ-ама биэрэллэр.
«Бу үс сыллааҕыта саҕаламмыт үлэ көдьүүстээх буолла. Бүгүн баһылыктар куратордарын кытта ыкса үлэлииллэр», — диэн СИА-ҕа регион дьаһалтатын олохтоох салайыныыга департаменын салайааччыта Василий Сапсай бэлиэтээтэ.
«Бүгүҥҥү туругунан 410 киһи өрөспүүбүлүкэ нэһилиэктэригэр сыһыарыллыбыт. Кинилэри иһитиннэриинэн тилэри хааччыйар туһугар государственнай былаас регионнааҕы порталыгар тус аналлаах саайт үлэлиир. Олохтоох бэйэни салайыныы боломуочуйатыгар киирсэр боппуруостарга куратордар көмөлөһөр сыаллаахтар», — диэтэ кини.
Олохтоох былааска урукку өттүгэр үлэлээбит уопута, бэлэмэ суох дьон баһылык буолаллара элбээбитинэн маннык дьаһал ылыллыбыт.
