Намҥа Ньургун Тимофеев аатынан өрөспүүбүлүкэтээҕи олимпийскай эрэл спорт оскуолатыгар үөрэнээччилэрэ остуол тенниһигэр улууска бастыыр иһин күрэхтэстилэр.
«Бүгүн остуол тенниһигэр алта оскуолаттан 37 үөрэнээччи кыттыыны ылла. Кыайыылаахтар уонна призердар Нам улууһун чиэһин «Спортивные якутяне» спартакиада суотугар киирэр өрөспүүбүлэкэҕэ бастыыр иһин күрэхтэһиигэ көмүскүөхтэрэ», — диир спартакиада кылаабынай судьуйата Юрий Балаганскай.
Остуол тенниһигэр өрөспүүбүлэкэҕэ бастыыр иһин күрэхтэһии Уус Алдаҥҥа буолуоҕа.
Бүгүҥҥү остуол тенниһигэр кыайыылаахтар.
Кыргыттарга:
1 миэстэ — Старкова Айылаана (2 Хомустаах оскуолата);
2 миэстэ — Ипполитова Лида (Намнааҕы 2-с №-дээх оскуола);
3 миэстэ — Дедова Оля (Затон оскуолата).
Уолаттарга:
1 миэстэ — Зырянов Артур (Үөдэй оскуолата);
2 миэстэ — Гладких Алик (2 Хомустаах оскуолата);
3 миэстэ — Попов Коля (1 Хомустаах оскуолата).
Ааптар: Харысхан Попов, Нам улууһа, @gazetaensieli
