29 Кулун тутар 29.03
  • -14°
  • $ 92,26
  • 99,71

Нам улууһугар Забайкальскай кыраайтан кэлбит от хаачыстыбата орто

19:01, 15 ноября 2021
Текст:
Читайте нас на
Яндекс Новости
ЯДВ

Сахабыт сиригэр кураан дьыллар тураннар, онно эбии ойуур баһаардара буоланнар, кыстыкка от тиийбэт кыһалҕата үөскээн, атын регионнартан атыылаһарга күһэлиннилэр.

Атын улуустарга кэлбит от хаачыстыбата быстар мөлтөх, рулоннар бүтүннүү талах, эрбэһин, аҥаара муус диэн социальнай ситимнэринэн тарҕанар буолла.

«Биһиги улууспутугар алаас сирдэр курааннааннар, ойуур баһаардара тураннар, кыстыкка от бэлэмнээһинигэр былааммыт туолбата. Онон сибээстээн Забайкальскай кыраайтан от атыылаһарга күһэллибиппит. Рулоннары аҕалыыга «Лигрант» ХЭТ кытта дуогабардаһан, 620 туонна от Партизаҥҥа, Үөдэйгэ, 1 Хомустаахха, Хатыҥ Арыыга, Түбэҕэ, Намҥа кэлбитэ. Уопсайа 1049 туонна дуогабардаахпыт, сорҕото суол турдаҕына кэлиэҕэ. От хаачыстыбатын этэр буоллахха, орто диэххэ сөп. Тоҕо диэтэххэ, биирдиилээн-иккилээн мөлтөх хаачыстыбалаах рулоннар бааллар. Ону үчүгэй оту кытта буккуйан сүөһүлэргэ сиэтэ тураллар. Оттор барыта ветеринарнай ыспыраапкалаахтар. Тыа хаһаайыстыбатын министиэристибэтэ курааннаабыт 6 улуус испииһэгэр биһигини киллэрэн, тастан от тиэйэн аҕалыыга 6,5 мөл. солк. көрбүтэ«, — диэн Нам улууһун тыа хаһаайыстыбатын управлениетын начальнига Владимир Макаров биллэрдэ.

Семен Аргунов Эҥсиэли

Следите за самым важным и интересным в Telegram-канале и WhatsApp-группе ЯСИА
Тутаах тыллар