20 От ыйа 20.07
  • 18°
  • $ 88,02
  • 96,04

"МУУС УСТАРГА" Горнай улууһун Анастасия Сергеева уонна Вера Колесова көмүскүөхтэрэ

16:01, 25 января
Текст:
Хаартыска: Үлэ күүһэ хаһыат
Читайте нас на
Яндекс Новости
ЯДВ

Бэрдьигэстээххэ «МУУС УСТАР» ыччат бэстибээлин чэрчитинэн ыытыллар «Айар Медиашкола» муниципальнай түһүмэҕэ ыытылынна.

Бэрдьигэстээхтэн икки, Солоҕонтон, Дьиикимдэттэн, Кировскайтан, Атамайтан, Маҥаныттан бастыҥ ыччат хамаандалара кытыннылар.

Хамаандалар икки түһүмэҕинэн күрэстэһэн, SMM, Медиа эйгэтин бастыҥнара «МУУС УСТАР» бэстибээлгэ барыахтара. Бастакы түһүмэххэ, «Үлэ күүһэ» хаһыат иһинэн үлэлиир «Чыпчаал» студия медиа-былаанын оҥордулар. Ол аата? Ютуб каналы ырытан, хайдах, тугу таһаардахха элбэх киһи көрөрүн, туох туһунан кэпсээтэххэ подписчик эбиллэрин ырыттылар. Иккискэ, төрөөбүт дойдуларыгар тапталларын REELS нөҥүө видео устан көрдөрдүлэр.

Түмүккэ, I миэстэ Бэрдьигэстээх хамаандата, II-с Бэрдьигэстээх уонна III-һү атамайдар ыллылар. Кыайыылаахтары эҕэрдэлиибит! Онтон «МУУС УСТАРГА» Бэрдьигэстээхтэн Анастасия Сергеева уонна Вера Колесова улууспут чиэһин көмүскүү барарга мэктиэлэннилэр.

Биллэрин курдук, «МУУС УСТАР» ыччат бэстибээлэ быйыл төрдүһүн ыытыллар, суруйда @silatrudagorny.

Следите за самым важным и интересным в Telegram-канале и WhatsApp-группе ЯСИА