21 Тохсунньу 21.01
  • -48°
  • $ 73,82
  • 83,32

Михаил Осипов: Ленскэй оройуона дотацията суох муниципалитеттартан биирдэстэрэ

15:39, 09 марта 2018
Текст:

Ленскэй оройуонугар ыытыллыбыт бырабыыталыстыба отчуотугар олохтоохтору мобильнай сибээс, Интернет ситимэ, тырааныспар сырыыта, тыа хаһаайыстыбатын бородууксуйатын батарыы долгуппута.


Бэчинчэҕэ олохтоохтор уот арахсарын, сибээс куһаҕанын туһунан эппиттэрэ. Нуотара, Соҕуруу Ньүүйэ нэһилиэнньэтэ иһэр уунан хааччыллыы, хортуоппуйу батарыы туһунан туруорсубуттара. Пеледуйга уонна Витимҥэ сүрүн тиэмэнэн медицинскэй хааччыллыы буолбута.

Ленскэйгэ Жумарт Абильманов баһылыгынан талыллыаҕыттан үгүс боппуруостар быһаарыллар буолбуттарын бэлиэтиир тоҕоостоох. Холобур, олохтоох былаас эмчиттэргэ дьиэ ылалларыгар көмөлөһөр. Ленскэйтэн нэһилиэктэргэ диэри оптуобус сылдьар буолбут.

Ленскэй олохтоохторун кытта көрсүһүүгэ бастакы вице-премьер Михаил Осипов бэлиэтиирин курдук, оройуон дотациянан туһаммат муниципалитеттартан биирдэстэринэн буолар. Бу оройуоҥҥа үлэлиир бөдөҥ хампаанньалар суоттарыгар ситиһилиннэ. 2018 сылга улуус бүддьүөтэ 3,5 млрд солкуобайга тэҥнэһэр.

0
0
21 января 21.01
  • -48°
  • $ 73,82
  • 83,32