24 Ыам ыйа 24.05
  • -7°
  • $ 104,68
  • 115,6

Мэҥэ-Хаҥаласка 40-тэн тахса ыал саҥа дьиэ күлүүһүн ыллылар

Мэҥэ- Хаҥалас улууһугар «Олорор дьиэ уонна куорат эйгэтэ» национальнай бырайыак чэрчитинэн элбэх кыбартыыралаах икки дьиэ үлэҕэ киирдэ. Саҥа кыбартыыралар күлүүстэрин Майа уонна Аллараа Бэстээх сэлиэнньэтин 48 ыала ыллылар, диэн СИА кэпсиир.

Аллараа Бэстээххэ уонна Майаҕа «Олорор дьиэ уонна куорат эйгэтэ» национальнай бырайыак иһинэн тутуллубут икки саҥа тутууну үлэҕэ киллэрдилэр. Майа сэлиэнньэтигэр ООО «Арктика-Строй» 4 мэндиэмэннээх, 40 кыбартыыралаах 2760,02 кв. миэтэрэ иэннээх дьиэни тутта. Аллараа Бэстээххэ ООО СК «Траст» 4 мэндиэмэннээх, 20 кыбартыыралаах, уопсайа 1333,17 кв. миэтэрэ иэннээх дьиэни тутта.  Бары кыбарытыыралары отделкалаан уонна уотунан хааччыйан баран олохтоохторго биэрдилэр.

Хаарбах дьиэлэртэн көһөрүү бырагырааманан 48 ыал саҥа дьиэ күлүүһүн туттулар. Күлүүһү биэрии үөрүүлээх сиэрэ- туома Арассыыйа Конституциятын күнүгэр буолла.

Следите за самым важным и интересным в Telegram-канале и WhatsApp-группе ЯСИА
0
0