Амматтан төрүттээх Василий Захаров Уус Алдан улууһун Бороҕонугар буолбут «Мүрү боотура» многоборье турнирыгар кыайда. Тэрийээччилэр киниэхэ матассыыкыл бэлэх ууннулар, ЯСИА суруйар.
Мас-рестлиҥҥа Россия чемпиона, «Боотур» кулууп иитиллээччитэ Василий Захаров национальнай многоборьеҕа көһөн эрэр. «Мүрү боотуругар» сахалыы ыстаныыга, мас-рестлиҥҥа, сүүрүүгэ, хапсаҕайга кииристилэр. Түмүккэ Василий Захаров көрдөрүүлэринэн бастыҥ буолла.
Салгыы Василий Захаров Олоҥо ыһыаҕар мас-рестлинг турнирыгар кыттар былааннаах, Аммаҕа. Эһиил «Дыгын оонньууларыгар» киирсиэн сөп.
