20 От ыйа 20.07
  • 17°
  • $ 88,02
  • 96,04

Мария Емельянова: "Уолаттар этэҥҥэлэр, санаалара бөҕөх"

13:31, 25 октября 2022
Текст:
Читайте нас на
Яндекс Новости
ЯДВ

Саллааттар кэмитиэттэрин бэрэссэдээтэлэ Мария Емельянова байыаннай чаастарга сылдьан кэллэ. Кини бу туһунан Саха сирэ саайтка кэпсээтэ.

— Мин бу соторутааҕыта байыаннай чаастарга сылдьан кэллим. Элбэх байыаннай чааска сырыттым. Бастаан Хабаровскайга, Улан Удэҕэ, онтон Приморскай кыраайга элбэх чааска сылдьан сулууспалыы сылдьар уолаттарбытын, байыаннай хомуурга хапсыбыттары көрсүбүтүм. Ону сэргэ, Уссурийскай, Сергеевка, Липовцы, Авваку, Владивосток чаастарыгар уонна полигоннарга сырыттым. Биһиги Владивостокка баар бастайааннай бэрэстэбиитэлистибэни кытта ыкса үлэлэһэ олоробут.

Бу сылдьан көрдөхпүнэ, байыаннай хомуурга хапсыбыт уолаттарбытын барыларын кэриэтэ таҥыннаран, форма кэтэрдэн полигоҥҥа дьарыктыы сылдьаллар. Дьэ, социальнай ситимнэргэ араас бары тарҕанна. Оннооҕор Ил Дархаммыт Айсен Сергеевич туһунан суруйбуттар этэ. Уолаттарга таҥас-сап илдьэн баран төттөрү илдьэ кэллэ диэн. Сымыйа сурахтарга итэҕэйимэҥ. Мин үгүс байыаннай чааска сырыттым. Барытын эт харахпынан көрөн, уолаттары көрсөн кэллим.

Өрөспүүбүлүкэбит түмсүүлээх буолан уолаттарбытыгар көмө харыыта суох ыстаапка хомулла турар. Уолаттар этэҥҥэлэр, санаалара бөҕөх.  Сахабыт сирин икки тыһыынча кэриэтэ ыччатын көрсөн, ийэлии алҕаан, кыһалҕаларын миэстэтигэр быһаарсан кэллим. Онон маннык уустук кэмнэргэ куһаҕаны сымыйанан тарҕаппакка, биир сомоҕо буолан дьоммутугар-сэргэбитигэр өйөбүл буолуохтаахпыт, Ил Дархаммыт Айсен Николаев тула түмсүөхтээхпит!

© sakha-sire.ru сайтан

Следите за самым важным и интересным в Telegram-канале и WhatsApp-группе ЯСИА