23 От ыйа 23.07
  • 28°
  • $ 87,78
  • 95,76

Манчаары оонньууларын быһа көрдөрүүгэ интернетинэн «Эксперт» хампаанньа бөлөҕө хааччыйыаҕа

15:02, 01 июня 2021
Текст:
Читайте нас на
Яндекс Новости
ЯДВ

«Рубинет» ХЭУо («Эксперт» хампаанньа бөлөҕөр киирсэр) Горнай улууһугар ыытыллар «Манчаары оонньуулара» XXI Спартакиада сүрүн спонсор-партнёрунан буолар. Ыам ыйын 28 күнүгэр Оонньуулары быһа холбонууну хааччыйыыга сөбүлэҥ түһэрсилиннэ.


Хампаанньа телетрансляцияны ыытыыга анаан түргэн тэтимнээх интернети холбуоҕа. Онно анаан Оонньууларга кыттар Бэрдьигэстээх спортивнай уонна үлэ эбийиэктэригэр сибээһи киллэриэхтэрэ. Маны сэргэ сибээс ханаалын мобильнай оператордар баазаларыгар диэри эбэн биэриэҕэ.

Сөбүлэҥҥэ спорт миниистирэ Иннокентий Григорьев, Горнай улууһун баһылыга Никита Андреев уонна «Рубинет» дириэктэрэ Евгений Сысоев илии баттаатылар.

XXI Спартакиада Горнай улууһун Бэрдьигэстээҕэр от ыйын 6 — 11 күннэригэр ыытыллар. Өрөспүүбүүкэ улуустарыттан уонна куораттарыттан алта тыһыынчаттан тахса кыттааччы түмсүөҕэ. 11 спорт национальнай көрүҥэр күрэхтэһиэхтэрэ.

Следите за самым важным и интересным в Telegram-канале и WhatsApp-группе ЯСИА