19 От ыйа 19.07
  • 21°
  • $ 87,88
  • 96,1

"Манчаары оонньууларыгар" хайдах күн-дьыл туруой?

16:02, 06 июля 2021
Текст:
Читайте нас на
Яндекс Новости
ЯДВ

2009 сыллааҕы Бүлүүгэ ыытыллыбыт Оонньуулар уһун ардахтарынан өйдөнөн хаалбыттара. 2019 сыллааҕы Амматааҕы оонньууларга сөрүүн күннэр тураннар, кыттааччылар, ыалдьыттар Амма өрүһүгэр сөтүөлээбэккэ төннүбүттэрэ. 


Саха сиринээҕи Гидрометцентр от ыйын 6-7-8 күннэригэр Горнайга +28, +33 кыраадыстаах куйаас турарын сабаҕалыыр. Сорох сиринэн этиҥнээх ардах түһүөн сөбүн иһитиннэрэр.

От ыйын 6 күн түүн соҕуруу кыра, күнүс кыра, сорох сиринэн күүстээх, ол эрэн кылгас этиҥнээх ардахтар түһүөхтэрэ. Тыал хотугулуу-арҕааттан 4-9 м/с үрүө, этиҥ кэмигэр 15-18 м/с тиийэ түргэтиэ, түүнүн салгын температурата +13+18, күнүс +26+31 буолуо.

От ыйын 7 күнүгэр үксүн сөҥүүтэ суох күн туруо, тыал арҕааттан 5-10 м/с түргэннээхтик үрүө, түүн температура +12+17, күнүс +28+33 буолуо.

От ыйын 8 күнүгэр түүн сөҥүү түһэрэ күүтүллүбэт, күнүс этиҥнээх, кылгас ардах түһүөн сөп, тыал соҕуруулуу-арҕааттан 5-10 м/с түргэннээхтик үрүө, этиҥнээх ардах кэмигэр 15-20 м/с түргэтиэ, түүнүн температура +12+17, күнүһүн +31+33 буолуо.

От ыйын 8 — 11 күннэригэр арыый сөрүүдүйүө, салгын температурата +21+24 буолуо. Бээтинсэҕэ этиҥнээх ардах түһэрэ сабаҕаланар.

Матырыйаал XXI-с «Манчаары оонньууларын» пресс-киинин иһитиннэриитигэр сигэнэн сурулунна.

Следите за самым важным и интересным в Telegram-канале и WhatsApp-группе ЯСИА