Биллэр судаарыстыбаннай уонна политическай деятель М.К. Аммосов төрөөбүтэ 125 сылыгар киниэхэ анаммыт кинигэ-альбом таһаарыллара былааннанар. Дьаһал чэрчитинэн мунньах буолла.
Кинигэ-альбом оҥоруутун бырайыагын Нам улууһун баһылыгын социальнай боппуруостарга солбуйааччыта Мария Игнатьева оҥордо. Редакционнай хамыыһыйа ол кэннэ бэйэтин этиилэрин киллэрдэ. Бэрэссэдээтэл Афанасий Владимиров: «Дириҥ ис хоһоонноох уонна хаачыстыбалаах кинигэ тахсарыгар эрэллээхпит», — диэтэ.
Былаан быһыытынан, саҥа үбүлүөйдээх научнай-популярнай таһаарыы «Бессмертный Максим» диэн ааттаах, Максим Кирович Аммосов төрөөбүтэ 125 сылыгар ананар.
