Дьокуускайга 50 лет Советской Армии уулусса элбэх кыбартыыралаах олорор дьиэ подъеһыттан дьахтары кытта тахсан һэр уол оҕоҕо ыт саба түстэ. Бу туһунан Арассыыйа Силиэстийэлиир кэмитиэтин Саха Өрөспүүбүлүкэтигэр силиэстийэлиир управлениета иһитиннэрэр.
Быһылаан балаҕан ыйын 23 күнүн сарсыардатыгар буолла. Силиэдэбэтэллэр социальнай ситимнэргэ тарҕаммыт иһитиннэриинэн бэрэбиэркэни тэрийдилэр.
Силиэстийэ дааннайынан, уолга суһаллык медицина көмөтө оҥоһуллубут, кини олоҕор уонна доруобуйатыгар куттал суох. Ыты туппуттар.
СК үлэһиттэрэ социальнай ситимнэргэ баар иһитиннэриилэргэ суруллубут бары чахчылары быһаарар сыаллаах-соруктаах кэлим дьаһаллары ыыта сылдьаллар. Бэрэбиэркэ түмүгүнэн процессуальнай быһаарыы ылыллыаҕа.
Доруобуйа харыстабылын министиэристибэтэ ыт саба түһүүтүттэн эчэйиини ылбыт уол туругун туһунан кэпсээтэ. Манна ааҕыҥ.
