18 Ыам ыйа 18.05
  • -7°
  • $ 104,68
  • 115,6

Маалыкай түбэтигэр уоту кэтииргэ улуус салалтата квадрокоптер бэлэхтээтэ

11:01, 09 июля 2021
Текст:

Ньурба улууһун баһылыга Алексей Иннокентьев Маалыкай нэһилиэгэр квадрокоптер бэлэхтээтэ. Көтөр тэрил станциятыттан түөрт биэрэстэ ыраах көтүөн сөп. Үөһэттэн устар буолан, ыраах сирдэргэ буруо тахсарын чопчулуурга туһалаах диэн, https://www.instagram.com/p/CQ8JPgngRF3/ суруйар.


Алексей Иннокентьев тэрили атын да сыалга-сорукка туттуохха сөбүн, Маалыкай куустатын нэһилиэктэрэ бары тутталларыгар наада буолуон эттэ.

МКУ “ИСУ” салайааччыта Макар Семенов, Ньурба оройуонун үөрэхтээһиҥҥэ управлениетын салайааччыта Алевтина Аргунова, ЕДДС начальнига Афанасий Кириллин уонна территориялары кытары үлэ отделын специалиһа Виктор Афанасьев састааптаах бөлөх Маалыкай түбэтин суолларын-иистэрин, ходуһаларын, социальнай объектарын, ойуур баһаардарын туруктарын көрдө.

Олохтоохтор Ньурбаҕа от пуондатын тэрийэри, 2019 – 2020 сыллааҕы үүт туттарааччылар ситэ ылбатах харчыларын төлөөһүн болдьохторун, вакцинацияны, биохимия анализтарын Маалыкайдааҕы участковай врачебнай амбулаторияҕа хайдах туттарары, мединститутка үөрэххэ киирээччилэргэ целевой миэстэлэри көрөр туһунан ыйытыктары туруордулар.

Нэһилиэнньэттэн киирбит этиилэри боротокуолга киллэрдилэр. Холобур, уот барар түгэнигэр туһанарга кыахтаах дизель атыылаһан нэһилиэккэ биэрэргэ. Уонна сылгы-сүөһү уулуур котлованнарын хаһарга оройуонтан экскаватор ыытан көмөлөһөргө.

Бөлөх Маалыкай оскуолата агро хайысхалаах оскуолалар рейтиннэригэр 38-с миэстэҕэ тахсыбытын иһитиннэрдэ итиэннэ быйыл үөрэхтэрин чаҕылхайдык бүтэрбит Вадим Николаевка уонна Күөрэгэй Бурцеваҕа бэлэхтэрин туттарда.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар