Дьокуускайга Ленин болуоссата, «Азия оҕолоро» спортивнай оонньуулар кэмигэр 2024 сыл бэс ыйын 25 — от ыйын 7 күннэригэр буоларга, арыллыбат.
Ол туһунан Ил Дархан Айсен Николаев пресс-конференциятыгар эттэ.
Ыксаан тутуу, оҥоруу кэлин хаачыстыбатыгар охсуон сөп. «Маннык эбийиэктэр биирдиилээн событиеларга ананан оҥоһуллубаттар, уонунан сылларга аналлаахтар. Хантараак алтынньынан бүтэр. Бырайыак быһыытынан, болуоссакка 13 миэтэрэлээх сэргэ, фонтан, алаас тутуллар», – диэтэ Айсен Николаев.
«Азия оҕолоругар» Сайсары күөл биэрэгэ тутуллан, үлэҕэ киирэр. Роман Дмитриев аатынан тутуу улахан чааһа бүтүөн сөп.
