Саха сирин ойуур баһаара суоҕун туһунан ТАСС-ка Арассыыйа ЫБММ ГУ-тун регионнааҕы салаата иһитиннэрдэ.
«Авиалесоохрана суһал дааннайынан, Саха Өрөспүүбүлүкэтин территориятыгар ойуур баһаардара суохтар», — диэн салалтаттан иһитиннэрдилэр.
2026 сыл баһаартан кутталлаах сезонуттан саҕалаан, Саха сирин территориятыгар барыта 542 ойуур баһаара бэлиэтэннэ, уот сиэбит уопсай иэнэ 2 мөл. 301 тыһ. 397,84 га буолла.
Саха сирэ дойду биир саамай баһаартан кутталлаах региона буолар. Ойуур уопсай иэнэ 256,1 мөл. га (территория 83,4%). Регионҥа ыам ыйын 8 күнүттэн баһаартан кутталлаах сезон саҕаламмыта.
ЫБММ эрэгийиэннээҕи таһымнаах эрэсиимэ, ойуур баһаарынан быһыы-майгы уустугурбутунан от ыйын 10 күнүгэр киллэриллибитэ. Дьаһал балаҕан ыйын 14 күнүгэр көтүрүллүбүтэ.
