Үөрүүлээх тэрээһиҥҥэ саҥа дьиэ үлэҕэ киириитин бэлиэтиир кыһыл лиэнтэни быһар быраап Өлөөн эбэҥки национальнай оройуонун дьаһалтатын баһылыгар Александр Ивановка, Саха Өрөспүүбүлүкэтин доруобуйаҕа харыстабылын министригэр Александр Гороховка, тутууну ыыппыт ХЭТ «ЦентрДомстрой» генеральнай дириэктэригэр Николай Андреевка, Өлөөн национальнай нэһилиэгин дьаһалтатын баһылыгар Василий Романовка бэрилиннэ.
Салгыы үөрүүлээх быһыыга-майгыга оройуон дьаһалтатын баһылыга Александр Иванов саҥа дьиэ хаһаайыннарыгар – Гена Филипповка, Артур Игнатьевка, Афоня Филипповка, Лёня Николаевка, Алёша Карповка, Алёша Алексеевка, Аина Васильеваҕа, Коля Андреевка, Дима Софроновка, Илья Николаевка (Ээйик), Рома Семеновка, Илья Николаевка (Харыйалаах) квартираларын күлүүһүн туттартаата.
Саҥа дьиэ хаһаайыннарын уонна мустубут нэһилиэнньэни бу үөрүүлээх түгэнинэн Саха Өрөспүүбүлүкэтин доруобуйаҕа харыстабылын министрэ Александр Горохов, Өлөөн национальнай нэһилиэгин баһылыга Василий Романов, «ЦентрДомстрой» ХЭТ генеральнай дириэктэрэ Николай Андреев, үлэ бэтэрээнэ, тулаайах оҕо эбээтэ Софья Васильева, Өлөөн эбэҥки национальнай оройуон дьаһалтатын баһылыга Александр Иванов итиитик-истиҥник эҕэрдэлээтилэр.
Оройуон эпиэкэҕэ сэбиэтин тэрээһининэн саҥа дьиэ хаһаайыннарыгар сэмэй бэлэхтэрин оройуон хаһаайыстыбаннай уонна уопсастыбаннай тэрилтэлэрин бэрэстэбиитэллэрэ – Ушманова В.П., Егоров И.Я., Романов В.Н., Байгильдина Г.И., Павлова С.П., Павлова С.П., Трофимова М.А., Никифорова Х.Ю., Ксенофонтова Л.В. уонна оҕолор эбэлэрэ Андреева Р.А., Васильева С.П. уо.д.а. туттартаатылар.
