Ыам ыйын 25 күнүгэр Кирбэй национальнай нэһилиэгин олохтоох депутаттарын V-с сессиялара буолла. Депутаттар 2016 сылга Саха сиригэр «Тупсарыныы сылынан» биллэриллибит тэрээһиннэр тустарынан дьаһаллары көрдүлэр.
Кирбэй нэһилиэгин дьаһалтата Саха сирин бырабыыталыстыбата территорияны тупсарыыга ыыппыт куонкуруһугар кыттан ылбыт 4,5 мөл. солк. харчыны бырайыак быһыытынан салааларынан тыырааһыны дьүүллэстилэр. Сайын оҥоһуллуохтаах үлэлэри, төһө үп-харчы, ханна туттуллуохтааҕын быһаарыстылар.
Муниципальнай олорор дьиэлэргэ өрөмүөн үлэтэ, сарайдара уларытыллыаҕа, «Бакалдынныыр» сиргэ тутуулар, эргэ дьиэ көтүрүүтэ барыаҕа. Кыһыҥҥы айан суолу туһанан тутуу, уулуссаҕа туруоруллар лаампалар, сантехника матырыйааллара уо.д.а. аҕалылыннылар. Суол оҥоһуута былаан быһыытынан барыаҕа, чааһынай дьиэ туттааччыларга саҥа уулуссаҕа кумах кутуллуоҕа. Маны сэргэ түөлбэ үлэтин сөргүтэр сыалтан, саҥаттан уулуссаларынан аттаран туруоруу боппуруоһун көрдүлэр.
Харыйалаах сэлиэнньэтэ тэриллибитэ 75, “Өлөөн” совхоз 55 сылларын туолар үбүлүөйдэригэр анаан араас тэрээһиннэр ыытылла тураллар.
