20 От ыйа 20.07
  • 19°
  • $ 88,02
  • 96,04

Өлөөҥҥө иккис төгүлүн «Акимовскай ааҕыылар» күөн күрэстэрэ буолла

15:42, 12 мая 2016
Текст:
Читайте нас на
Яндекс Новости
ЯДВ

2016 сыл ыам ыйын 8 күнүгэр Өлөөн эбэ кэрэ туонатыгар Олоҥхо дойдутун Далбар Хотуна, Өлөөн Орто оскуолатыгар өр сылларга үлэлээбит, саха тылын уонна литературатын учуутала, «Орончикан» эбэҥки национальнай ансамбылын төрүттэспит, эбэҥки ырыаларын, фольклорун хомуйааччы, РСФСР норуотун үөрэҕириитин туйгуна, «Учууталлар учууталлара», «Азия оҕолоро» фонда стипендиата Мария Николаевна Акимова аатынан II оройуоннааҕы хоҺоон ааҕааччылар күрэҕэ үрдүк таҺымнаахтык ыытылынна.


Ыам ыйын 6 күнүгэр күлэр күннээх сырдык утахтаах күн сиригэр дьоллоох Өлөөн килбэйэр киинигэр көмүскэс сүрэхтээх, аҺыныгас санаалаах Айыы Хаан удьуора саха тылын учуутала Мария Николаевна Акимова баара буоллар Күн Сирин көрбүт үтүө күнэ буолуохтаах этэ. Мария Николаевна үөрэҕирии салаатыгар 50 тахса сыл устата үүнэр көлүөнэни үөрэппитэ, кини биир да оҕону араарбакка, барыларын тэҥнээхтик көрөн, үөрэтэн талааннарын арыйар дьоҕурдаах учуутал этэ.

Бу үөрүүлээх күн «Орончикан» ансамбль толоруутугар «Өлөөн Эбэттэн көрдөһүү» сиэриттэн-туомуттан саҕаланна. Дьоллоох дьоро киэҺэни Мария Николаевна биир дойдулаахтара, Сунтаартан төрүттээх Алексей Николаев уонна Дмитрий Федотов иилээн-саҕалаан ыыттылар.

Хомоҕой хоһоон дьоро түһүлгэтигэр хоһоону таптааччылар барыта 100 кыттааччы күөн көрүстүлэр. Күрэх үс категорияҕа арахсан: 7-17 сааһыгар диэри оскуола оҕолоругар , 18-35 саастарыгар эдэр ыччакка, 36 саастарыттан үөһээ улахан дьоҥҥо ыытылынна. Бастакы категорияҕа Өлөөн орто оскуолатыттан: 2 “А” кылаастан (салайааччы Любовь Стручкова), 2 “В” кылаастан (салайааччы Людмила Егорова), 3 “Б” кылаастан (салайааччы Татьяна Федотова), 4 “А” кылаастан (салайааччы Антонина Алексеева), 7 “А” кылаастан (бэлэмнээбит салайааччы­­­­­­­­­­­ Прасковья Егорова), 9 “А” кылаастан (салайаачы Наталья Семенова), 9 “Б” кылаастан Есения Иванова, Айыына Алексеева (салайааччы Джемма Дьяконова), Харыйалаах орто оскуолатыттан (салайааччы Декабрина Тимофеева), “Орончикан” ансаамбылтан (салайааччы Кирилл Игнатьев) оҕолор күөн көрүстүлэр. Иккис категорияҕа Өлөөммүт эдэр кэнчээри ыччаттара Саргылана Алексеева (Өлөөн), Кирилл Колодезников (Харыйалаах), Лена Колтовская (Өлөөн), Юлиан Иванов (Харыйалаах), Николида Томская (Харыйалаах), Мария Караваева (Өлөөн), Саина Иванова (Өлөөн) күрэхтэстилэр. ҮҺүс категорияҕа Светлана Михайлова (Өлөөн), Майя Николаева (Өлөөн), Дария Степанова (Өлөөн), Люция Илларионова (Өлөөн), 1986 сыллаахха оскуоланы бүтэрбиттэр (Өлөөн), Айна Новгородова (Өлөөн), Сардана Иванова (Өлөөн), Вера Декоямова (Өлөөн) кытыннылар.

Күрэх түмүгүнэн Дьүүллүүр Сүбэ анал ааттары туттарда. Ол курдук, оскуола оҕолоругар “Орончикан” ансаамбыл үөрэнээччилэригэр (салайааччы Игнатьев К.К.) Гран-При үрдүк аат иҥэрилиннэ, 1 степеннээх лауреат — 4 “А” кылааһын үөрэнээччилэригэр (кылаас салайааччыта Алексеева А.В.), 2 степеннээх лауреат — 7 “А” кылааһын үөрэнээччилэрэ (бэлэмнээбит салайааччы­­­­­­­­­­­ Егорова П.П.), 3 степеннээх лауреат — 2 “В” кылааһын үөрэнээччилэригэр (кылаас салайааччыта Егорова Л.К.), 1 степеннээх дипломант үрдүк аат иҥэрилиннэ 2 “А” кылааһын үөрэнээччилэрэ (кылаас салайааччыта Стручкова Л.Н.), 2 степеннээх дипломант — Өлөөн орто оскуолатын 3 “Б” кылааһын үөрэнээччилэригэр (кылаас салайааччыта ФедотоваТ.Н.), 3 степеннээх дипломант Харыйалаах орто оскуолатын үөрэнээччилэрэ (кылаас салайааччыта Тимофеева Д.), эдэр ыччакка Гран-При үрдүк аат иҥэрилиннэ Юлиан Ивановка (Харыйалаах), 1 степеннээх лауреат Мария Караваеваҕа (Өлөөн), 2 степеннээх лауреат Саина Ивановаҕа (Өлөөн), 3 степеннээх лауреат Саргылана Алексееваҕа (Өлөөн), 1 степеннээх дипломант Лена Колтовскаяҕа (Өлөөн), 2 степеннээх дипломант Кирилл Колодезниковка (Харыйалаах), 3 степеннээх дипломант Николида Томскаяҕа (Харыйалаах). Улахан дьоҥҥо Гран-При үрдү ааты ылла Дария Степанова (Өлөөн), 1 степеннээх лауреат Светлана Михайловаҕа (Өлөөн), 2 степеннээх лауреат Люция Илларионоваҕа (Өлөөн), 3 степеннээх лауреат Сардана Ивановаҕа (ӨлӨӨн), 1 степеннээх дипломант Вера Декоямоваҕа (Өлөөн), 2 степеннээх дипломант Айна Новгородоваҕа (Өлөөн), 3 степененнээх дипломант үрдүк ааты сүктэ Өлөөн орто оскуолатын 1986 сыл бүтэрбит выпускниктара.

Следите за самым важным и интересным в Telegram-канале и WhatsApp-группе ЯСИА