19 От ыйа 19.07
  • 14°
  • $ 87,88
  • 96,1

Өлөөҥҥө эр дьон иитээччилэр күрэхтэстилэр

09:54, 29 февраля 2016
Текст:
Читайте нас на
Яндекс Новости
ЯДВ

2016 сыл өрөспүүбүлүкэҕэ эбии үөрэхтээһин сылынан биллэриллибитэ. Ол чэрчитинэн уон уһуйааччы эр дьон «Я-педагог» улуустааҕы бастакы куонкуруска кытыннылар.


Иван Николаев, Өлөөннөөҕү оҕону эбии үөрэхтээһин киинин уһуйааччыта:

Маннык тэрээһиннэр буолаллара үчүгэй. Атын иитээччилэри көрөн, бэйэ-бэйэбититтэн уопут атастаһабыт, урут тугу билбэккэ сылдьыбыппытын билэн үлэбитигэр туһаныахпыт. Эр киһи иитээччи элбиирэ буоллар диэн баҕа санаалаахпыт. Уопсайынан эр киһи статуһа өрө тахсыан наада. Уолаттарга бэйэбит холобурбутун көрдөрөрбүт наадалаах.

Иитээччи бастыҥ уопутун, айымньылаах үлэтин улуус таһымыгар таһаарыы, тарҕатыы, иитээччи эр киһи аатын, социальнай статуһун үрдэтэр сыаллаах ыытыллыбыт куонкурус дьон биһирэбилин ылла.

Балаһыанньа быһыытынан аһаҕас уруоктары ыыттылар, бэйэлэрин, талааннарын билиһиннэрдилэр, өбүгэ таҥаһын, дьыалабыай көстүүм кэтэн көрдөрдүлэр, ыйытыыларга хоруйдаатылар. Түмүккэ «Мастер своего дела» Леонид Христофоров (Дьэлиҥдэ), «Педагог-творец» Данил Николаев (Өлөөн), «Педагог-инноватор» Иван Николаев (Өлөөн), «Педагог-исследователь» Владимир Михайлов (Өлөөн) ааттаннылар. Физкультура учууталларын ыккардыларыгар  III степеннээх диплом  Леонид Степановка, II степеннээх диплом Марислав Ивановка (иккиэн Ээйик) тигистилэр. Кыайыылааҕынан Харыйалаах учуутала Василий Константинов таҕыста. Оҕону эбии үөрэхтээһин киинин иитээччилэрэ III миэстэни Николай Христофоров, II миэстэни Юрий Ефимов, кыайыылааҕынан Иннокентий Николаев таҕыста.

Бу куонкуруһу көрө олорон эр киһи иитээччи элбиэх курдук дуу диэн санааҕа кэллим. Ордук Ээйик эдэр учууталлара дьоҕурдаах оҕону кыаҕынан көрөн дьарыктыылларын сэргээтим, инникилээх ыччаттар сылдьаллар эбит диэн сыаналаатым.

Следите за самым важным и интересным в Telegram-канале и WhatsApp-группе ЯСИА