26 От ыйа 26.07
  • 20°
  • $ 85,41
  • 93,17

«Колмар» Үөһээ Талуматааҕы таас чохтоох сиригэр тутууларын саҕалаата

12:00, 02 февраля 2018
Текст:
Читайте нас на
Яндекс Новости
ЯДВ

Нерюнгрига «Колмар» хампаанньа иккис Инаглинскайдааҕы байытар фабрикатын эбийиэктэрин тутан саҕалаан эрэр. Бүгүн Үөһээ Талуматааҕы таас чох баайдаах сиргэ бастакы эбийиэк — боруоданы эһэргэ туһуламмыт эттиктэри хаһаанар ыскылаат уонна собуот — тутуута саҕаланна.


«Колмар» хампаанньа былырыыҥҥыттан «Соҕуруу Саха сирэ» урутаан сайдар сир резиденинэн киирбитэ. Билигин манна алта резидент баар. Кинилэртэн «Колмар» сүрүннэрэ буолар. Хампаанньа Саха сиригэр икки улахан бырайыактаах: Инаглинскайдааҕы уонна Денисовскайдааҕы хайа байытар комплекстар. Билигин мантан бастакы Инаглинскайдааҕы байытар фабрика, Денисовскайдааҕы шахта үлэлии тураллар. Денисовскайдааҕы байытар фабрика быйыл бастакы кыбаарталга үлэҕэ киириэхтээх.

Былырыын ахсынньыга РФ бырабыыталыстыбатын бэрэссэдээтэлэ Дмитрий Медведев иккис Инаглинскайдааҕы байытар фабрика тутуутун саҕалыырга эппитэ. Хампаанньа тутуутун үлэни аһаҕас ньманан ыытыыга туттуллар матырыйааллары оҥорор собуоттарыттан, ыскылааттарыттан саҕалаата. Хампаанньа генеральнай дириэктэрин солбуйааччы Артем Левин бэлиэтииринэн, тутууну 4 ыйынан бүтэрэр санаалаахтар. «Бу собуот, ыскылаат «Колмар» хампаанньа таас чох баайдаах сирдэрин барытын хааччыйыахтаах. Билигин биһиэхэ аһаҕас ньыманан хостуурга матырыйааллар наадалар. Салгыы собуот сир анныгар үлэлииргэ туһуламмыт анал матырыйааллары оҥоруоҕа», — диэн иһитиннэрэр кини.

Санатан эттэххэ, хампаанньа Үөһээ Талуматааҕы таас чохтоох сиргэ көҥүлү ылан былырыыҥҥыттан үлэлэһэр. Манна 10-15 сыл устата аһаҕас ньыманан таас чоҕу хостуур былааннаахтар. 4 мөл. тоннаны ылыахтаахтар.

Хампаанньа бырайыактарын барытын олоххо киллэрдэҕинэ, сылга 20 мөл.тоннаны хостуур кыамталаах.

Премьер-миниистир Евгений Чекин хампаанньа саҥа таһымҥа тахсан эрэринэн үлэһиттэри эҕэрдэлээн туран, Уһук Илин регионнарга тэриллибит урутаан сайдар сирдэртэн «Соҕуруу Саха сирэ» бастыҥ үлэлээҕин, «Колмар» үлэтигэр тэтимнээхтик ылсыбытын бэлиэтээтэ.

Следите за самым важным и интересным в Telegram-канале и WhatsApp-группе ЯСИА