Итирик туруктаах сылдьан саамай элбэх буруйу Алдан, Абый, Булуҥ, Бүлүү, Мииринэй, Нерюнгри улуустарыгар оҥорбуттарын бэлиэтээбиттэр. 2021 сылга 11 ый иһигэр өрөспүүбүлүкэ үрдүнэн полиция 11942 буруйу бэлиэтээбит. Сокуону кэһии үгүс ахсаана Дьокуускай куоракка оҥоһуллубут — 5598, ол эбэтэр өрөспүүбүлүкэ статистикатыттан 46,9%, диэн прокуратура пресс-сулууспата иһитиннэрэр.
544 ордук ыар буруй бэлиэтэммит, ол иһигэр 82 өлөрүү, ону таһынан 61 киһи дьоҥҥо соруйан ыарахан эчэйиини оҥорбуттар, ол түмүгэр эмсэҕэлээбит өттө өлбүт.
Урукку курдук, буруйу оҥоруу улахан аҥара (51,2%) уоруу – 6117. 3 тыһ. тахса 1,5 тыһ. тахса түөкүннээһин, 29 ороспуойдаан саба түһүү, 44 күһэйии, 184 тырааныспар уоруута регистрацияламмыт.
Информационнай-телекоммуникационнай технологиялары уонна көмпүүтэри туһанан оҥоһуллубут буруй ахсаана 38,5%-ҥа тэҥнэстэ, ол аата сыыпаратыгар 2837.
Полиция 587 экономикаҕа сыһыаннаах буруйу уона 140 коррупцияны арыйбыт.
РФ ХК 264- с ыстатыйатынан (суол быраабылатын кэһии уонна тырааныспары туһаныы быраабылатын кэһии) 110 буруйу кэһиини бэлиэтээтилэр, тырааныспары ыыта сылдьан хаттаан итирик туруктаах 752 киһи түбэспит.
Сокуоннай саастарын ситэ илик оҕолор буруйу оҥорууларын ахсаана 25,5% аҕыйаабыт, оҥоһуллубут буруйдарыттан (216), 46,8 %-на уоруу.
Силиэстийэлэммит буруйдартан 3567-тэ киһи итирик туруктаах сырыттаҕына оҥоһуллубут. Итирик туруктаах сылдьан ордук элбэх киһи уорбут (863), айан суолугар (772), киһи доруобуйатыгар соруйан эчэтии (238), халааһын (116), киһи баайын-дуолун соруйан суох гыныы (62), былаас бэрэстэбиитэлигэр сыһыаннаах (56).
Итирик туруктаах сылдьан саамай элбэх буруйу Алдан, Абый, Булуҥ, Бүлүү, Мииринэй, Нерюнгри улуустарыгар оҥорбуттарын бэлиэтээбиттэр.
