23 От ыйа 23.07
  • 28°
  • $ 87,78
  • 95,76

Итальянецтар хабылыгы биһирээтилэр

Читайте нас на
Яндекс Новости
ЯДВ

Дьокуускайга бу күннэргэ аан дойду 1000-тан тахса уһулуччу өйдөөх оҕолоро норуоттар икки ардыларынааҕы интеллектуальнай оонньууларга кытта сылдьаллар. Оонньуулар саҕаламмыттара номнуо үһүс күнэ. Араас көрүүлээх, талааннаах оҕолор бэйэлэрин билиилэрин 3-D моделированиеҕа, симпозиумнарга, дьылабыай оонньууларга, бырайыактарга көрдөрө сылдьаллар. Бүгүн Баһылай Манчаары аатынан Спорт Киинигэр сахалыы остуол оонньууларыгар эрчиллэр оҕолор ыалдьыттарга уонна оонньуулар кыттыылаахтарыгар маастар-кылаас көрдөрдүлэр

Кырачаан оонньооччулар сымса уонна имигэс тарбахтарынан хабылыгы харбыалаан, хаамысканы хабан, тырыыҥканы хомуйан көрдөрбүттэриттэн олохтоохтор да сөхтүлэр. Ыалдьыттары киһи этэ да барбат. Араас норуот бэрэстэбиитэллэрэ сахалыы  остуол оонньууларын сөҕөн-махтайан барбыттарыттан оҕолор үөрэллэр.

Надежда Белолюбская, остуол оонньууларын тириэньэрэ:

— Биһиги сахалыы остуол оонньууларын эрэ буолбакка, түүр омуктар оонньууларын эмиэ үөрэтэбит. Холобура, туроктар, алтайдар, кыргыыстар оонньууларын эмиэ үөрэтэбит. Норуоттар икки ардыларынааҕы оонньууларга маастар-кылаас ыыта сылдьабыт. Араас омуктар сэргээн оонньоотулар. Итальянецтар олус биһирээтилэр. Бары омуктар үксүн хабылыгы ордук сөбүлээтилэр. Хотугу улуустарга остуол оонньуулара үчүгэйдик тарҕаммакка турар буолан, хотуттан сылдьар оҕолор ордук биһирээтилэр. Олохтоохтор эмиэ кэлэн үөрэннилэр.

Дьокуускай куорат олохтоохторо от ыйын 12 күнүгэр 11-16 чааска диэри, Триумф Спорт Киинигэр сахалыы остуол оонньууларыгар холонон көрүөххүтүн сөп.

Николай Попов, “Саха тыла” хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА