20 От ыйа 20.07
  • 17°
  • $ 88,02
  • 96,04

Икки миэтэрэ халыҥнаах тоҥуу хаары курдат: Андрюшкино-Колымское кыһыҥҥы массыына суолун анньыы уустук усулуобуйаҕа ааһар

16:53, 06 марта 2018
Текст:
Читайте нас на
Яндекс Новости
ЯДВ

Орто Халыма улууһугар Андрюшкино-Колымское кыһыҥҥы суолу хаар устун 100 км анньар хаалла. Маныаха нэдиэлэттэн ордук кэм наада, диэн СИА-ҕа Тырааныспар министиэристибэтэ иһитиннэрдэ.


“Кыһыҥҥы суол үлэтигэр икки сменанан, суукканы эргиччи кэриэтэ үлэлииллэр. Кулун тутар ортотугар диэри бүтэриэхтээхтэр”, — диэтилэр биэдэмистибэҕэ.

Бүгүн Черскэй — Колымскай — Карлуково хайысхатынан суол баар. Тиһэх пуунтан Андрюшкиноҕа диэри 100 км. солууллара хаалла. Халыҥ хаар уонна буурҕа үлэлииргэ харгыстыыллар. Хаар халыҥа нуорманы 2-2,5 төгүл куоһарда.

Суолу анньарга “Шантуй” тиэхиньикэ уонна ыарахан уйуктаах көлүөһэлээх К-700 тыраахтар үлэлииллэр. Хаар дьапталҕата халыҥыттан бульдозер биирдэ ылан ыраастаан кэбиһэрэ кыаллыбат.

“Балаһыанньа уустук, ол эрээри суолу эрдэ арыйарга дьулуһуохпут”, — диэтэ билигин Орто Халымаҕа көрө-истэ сылдьар, СӨ Массыына суолларын управлениетын генеральнай дириэктэрин солбуйааччы Алексей Федоров.

Следите за самым важным и интересным в Telegram-канале и WhatsApp-группе ЯСИА