29 Кулун тутар 29.03
  • -11°
  • $ 92,26
  • 99,71

ХИФУ ректора быйылгы үөрэххэ тутар хампаанньа уратытын туһунан кэпсээтэ

Читайте нас на
Яндекс Новости
ЯДВ

Хотугулуу-Илиҥҥи федеральнай университет ректора Анатолий Николаев быйыл бэс ыйын 20 күнүгэр саҕаланар 2022 сыллаах үөрэххэ тутар хампаанньа туһунан төрөппүт мунньаҕар кыттыыны ылла. Бу туһунан университет сайтыгар иһитиннэрдилэр.

«Үөрэххэ тутар хампаанньа кэмигэр хаһан баҕарар уларыйыы элбэх буолар. Үрдүк үөрэххэ туттарсыы абитуриеннарга уонна кинилэр төрөппүттэригэр эппиэтинэстээх кэм, онон бу үлэ олус хаачыстыбалаахтык тэриллиэхтээх: докумуоннары тутууттан саҕалаан киирии эксээмэннэргэ уонна киирбиттэрин туоһулуур испииһэктэргэ диэри. 2020 сылтан үрдүк үөрэх кыһатыгар бүддьүөт миэстэтин ахсаана сыллата элбээн иһэрэ үөрдэр. Ол курдук, 2022-2023 үөрэх дьылыгар ХИФУ 3 960 үрдүк үөрэх бырагырааматынан үөрэтэр миэстэлэммитэ. Ити былырыыҥҥытааҕар 101 миэстэнэн элбэх», – диэн Анатолий Николаев иһитиннэрдэ.

РФ бэрэсэдьиэгин ыйааҕынан, ХИФУ Украинаҕа спецоперацияҕа кыттар байыаннай сулууспалаахтар оҕолоругар 2022-2023 үөрэх дьылыгар бүддьүөт миэстэлэрин биэриэҕэ.

«Биһиги үрдүк үөрэхпит кыһатыгар байыаннайдар оҕолоругар 320 миэстэ көрүлүннэ: 273 — очнайга 2 – очнай-кэтэхтэн, 45-кэтэхтэн киирэргэ. Өскөтүн төрөппүт анал байыаннай эпэрээссийэ кэмигэр улахан эчэйиини ылбыт эбэтэр сулууспаҕа сылдьан өлбүт түбэлтэтигэр оҕо эксээмэнэ суох үөрэххэ киирэр, атын түгэннэргэ — үрдүк үөрэххэ киирии эксээмэннэрин туттарар», — диэн ректор тоһоҕолоон бэлиэтээтэ.

ХИФУ-га киирии докумуоннарын бэс ыйын 20 күнүттэн түөрт ньыманан биэриэххэ сөп: бэйэҥ үөрэх кыһатыгар кэлэн, Госуслуги портал нөҥүө, «ХИФУ бэйэтин сайтыгар тус кабинетын» нөҥүө уонна почта сибээһин оператордарын көмөтүнэн.

Актуальнай иһитиннэриини уонна уларытыылары приемнай хамыыһыйа сайтыгар кэтээн көрүөххэ сөп. https://priem.s-vfu.ru/

Следите за самым важным и интересным в Telegram-канале и WhatsApp-группе ЯСИА